今天恐龍機師在飛往中國大陸的航班上，坐著一位"好天真好傻"的女明星。她坐在商務艙，戴著太陽鏡，跟一般明星坐飛機沒兩樣。
女明星到步後跟機師空姐們一起過入境單位，然後步出入境大堂。這時的入境大堂堆滿來接機的粉絲，熱熱鬧鬧的。
不過，空姐們在偷笑說這班粉絲看來是出租的....因為他們舉的名牌、橫額通通是同一個款式，兼且，他們是用廣東話大叫口號。空姐們說在這非假日時間，在中國內地，竟然有一大堆拿著同一款橫額大叫廣東話口號的粉絲，不是出租的就死也不相信。加上她現在還有那麼多粉絲，怎樣也不可能！
因為機組人員跟女明星一起出現，而接機的人很多也拿著相機拍攝，嚇得一眾機組人員左閃右避，絕對不希望跟女明星一起被攝入鏡內。
或許，女明星在內地仍然很受歡迎呢....
或許，真的有很多廣東人在那個城市呢......
或許..........
或許，粉絲真是出租的呢~ 哈~
好憎佢上志雲飯局戈時話 : 有邊個拍拖戈時未試過 "好天真好傻". 真係好唔負責任的一句. 好彩自問都唔迷班明星.
回覆刪除[版主回覆03/26/2009 19:50:00]最討厭她扮可憐.......錯了就錯......
本來不喜歡張柏芝，但欣賞她敢做敢認的坦率態度。
咁有d你聽都未聽過ge明星,啱啱出道個d咪一樣有一大班fans,我懷疑個d都係出租ge
回覆刪除[版主回覆03/26/2009 19:49:00]對對！我也見過！
見到天真人呀...其實佢真人靚唔靚呢
回覆刪除[版主回覆03/26/2009 22:46:00]他們說，跟上鏡差不多。
佢個d就真係唔知啦﹗因為佢d fans年輕好多﹗有無咁既能力飛來飛去就唔知﹗
回覆刪除我以前追台星的，前幾年，真係會有一d fans，個星去邊跟到邊，如果有公開活動更加會有大批fans，我個時追台星，真係八國聯軍(我地係咁叫架)，各地的fans飛去聚會既地方去撐星，(但全部自發，並無出租fans，因為實在係攞苦黎辛﹗)係會帶足手牌燈牌咁，所以係比普通旅行辛苦千萬倍﹗
[版主回覆03/26/2009 22:45:00]利害呢~~~~
空姐們認為fans是"出租的"....可能是因為他們的手牌燈牌都是一模一樣.....
好奇一問，八國聯軍的支持用品，是不是大多都憑創意自家設計的呢？因為我見電視或報章上看到的，很創新的~
我其實未見過出租FANS，因為我個時追星時，一班FANS都好熱心，見到幾秒都開心死個隻﹗所以我個人覺得，如果係出租FANS，點都應該睇得出，因為雖然佢攞手牌，口又狂叫星名，但我想，佢個心始終唔係真正鍾意個星，應該點都會表現到係塊面度啩﹗
回覆刪除我個時台星個家族，好慳，D手牌係經濟實惠型，可無數次重覆用，但當然，fans中有錢的，就會自己整唔同燈牌，仲會有d鬧大鬧款鬧閃咁﹗
仲有就係會整banner橫額，個d反而經濟實惠，唔係太貴o即﹗聞說那時約100蚊就有一張，整多d仲會平d﹗同埋個d banner用相去整，靚好多﹗d fans又好驚，真係十八般舞藝，可以自己整圖(即係原本一張普通明星照，佢地可以加好多背景或字體，特別效果，整到張相仲靚過原本架﹗)
[版主回覆03/27/2009 00:01:00]正如現在的人，製作短片可以專業得像製作電影一樣~
我相信年青既fans，創意更高﹗所以支持用品係自家做係唔奇既﹗
回覆刪除好似我以前個d fans，有d叻到買過燈牌，後來自己研究埋，自己都識整，當然依d真係要好有時間d人才得﹗
仲有，個時我追個個台星，你無以為一定係年青fans，唔係，係中成老fans居多，媽媽級大有人在﹗
[版主回覆03/27/2009 00:00:00]有趣有趣~
你身為老師既, 點解都可以對人咁有成見既？佢真係有錯咩？錯係邊？錯在唔應該影果 d 相？定係錯在畀人睇到 d 相？兩個相愛既人關埋房門既野, 無打算話畀人知拿畀人睇 ga~~ 係 d 小偷同缺德既人搞大件事姐！
回覆刪除佢當初無認係佢, 但要認 ga 咩？所有人都知係佢, 認同唔認有乜分別？認左社會大眾個心會安落 d 咩？將心比心, 如果事主係你, 自己既身體畀全世界既人咁睇法, 你會一開始就好鎮定好勇敢咁認咩？
我理解既 "好天真好傻" 係指佢做 d 野去捉住佢愛既人, 因為佢愛既人想佢咁做, 佢做左, 的確係 "好天真好傻" ~~
佢係小朋友既偶像, 唔代表一定要係無性愛既處女呀！清純形象只係工作需要, 話佢呃人事實上一 d 都唔清純？完全無定律話形象 = 真我喎！到而家仲一相情願相信玉女歌手私低下徹頭徹尾都要係玉女, 知道唔係之後就覺得畀人呃左既人, 係咪思想同社會步伐唔一致呢？而家娛樂圈中有邊個會發表清純言論, 表明自己係處男處女？唔發表既而走既路線唔係激既d 人就一相情願覺得同要求佢地係清純？會唔會霸度左 d？
佢扮可憐？佢的確係可憐呀！可憐在於佢太天真太傻為左留住一個不負責任既花心男而自設計時炸彈, 所有女性應有既尊嚴同私隱都無哂, 出事後個男既連影都無, 社會大眾又歧視佢, 連工都唔返得, 街又唔出得, 成年幾至出得番黎, 仲要畀人鬧, 好似過街老鼠咁！唔可憐咩？佢又唔係殺人放火, 真係需要連解釋都要被扭曲？
張柏芝的確係勁呀！佢敢做敢認！係烈女！但唔係個個都可以好似佢咁既性格 ga~~ 佢都有認呀！上左飯局仲唔係認左？
我相信呢個社會大把人都有影呢 d 相, 但當公眾人物做左 d 呢個社會認為有遺道德標準既事, 而又畀人知道既話, 小污點就會被無限量放大, 群眾起烘, 辱罵公眾人物, 呢個行為亦會被合理化~~ 但所謂既道德標準, 唔同時候唔同人所持既都唔一樣, 以前未結婚就同居都會畀人鬧唔道德啦！根本上道德呢樣野個標準係乜都無人知！
估唔到我可以打左咁多字做回應, 可以當成我一編 blog 添~~
因為我唔認同你既講法, 覺得對女明星唔公平, 又覺得佢好慘, 更覺得身為老師既你, 係咪應該要比一般人更開通, 諗得更全面, 至去批評一件事呢？你點睇, 好影響到你 d 學生 ga！陳老師, 身教呀！
[版主回覆03/30/2009 08:47:00]如你有看清楚，在文章裏我從來沒有批評過女明星任何不妥，我用的形容詞只是女明星的代號。加上這篇文章只是想說接機的朋友及"覆述"一眾機組人員的說話。他們只是工作，不想被攝入鏡頭是理想當然的事情。
我所指的是你的第一個回應：
回覆刪除最討厭她扮可憐.......錯了就錯......
我也覺得自己太利害了！只因為一句便打了那一大篇！你的文章裏真的一點 negative 的意味也沒有呀！
他們只是工作，不想被攝入鏡頭是理想當然的事情。<<== 我沒有說他們
我覺得身為一位教師, 自身的言行思想和表現也非常重要, 也許我對於教師這工作的要求太 ideal 吧！但我覺得身教非常重要！
另外, 很喜歡你寫的 blog, 是訂閱者啊！
你真的很幸福, 希望你可以一直幸福下去
[版主回覆04/12/2009 18:46:00]老師不等如聖人，老師也可以不喜歡別人的，這跟身教沒什麼關係。我們會教學生分析，但不代表自己本身不可以有喜惡。當我是偏見是什麼也好，我確是不大喜歡那位女明星。
anyway,謝謝你的祝福....也祝福你開心快樂。