"細時唔讀書，大個做運輸"....恐龍機師經常這樣形容自己
從沒有人相信他的中學時代甚至會考時代的成績是何等嚇人。不過，從他身上，Miss Chan Chan看到一點，就是我們不可以輕看一些學生時代學業成績不好的青年人。他們可能未發力，又或者是教育制度未有發揮他們的所長。恐龍機師就是一個例子，他在工作後所唸的書，相信是他中小學以來的五倍....他在三年前已經在中文大學完成一個Master degree...繼續唸啊唸....
最近，還記得恐龍機師正在唸LLB嗎？五月份他完成了Year 2的考試，一直心驚膽跳，因為他不是花了很多時間溫習，也只是參加了一個考試預備班，加上考試當天"tip"錯題，所以他一直擔心會不合格。不合格嗎...又要花錢重讀....又要再花時間溫習....幸好，有幾位師弟跟他一起作戰，三人不時互相支持，還不錯....他們三人還有個目標，就是一起繼續唸PCLL，將來開一家"李‧盧‧陳律師行".....(也是Miss Chan Chan笑說的...."你老襯律師行")...不過，要爭取到一個PCLL學位，絕對不是容易的事情。
前幾天，考試成績終於出來了。
謝天謝地，終於合格了！雖然，分數不高，但比前年靠自修兼什麼課程也沒有唸的情況來看，確是好了一點。不過，距離可以唸PCLL還有九萬丈遠...恐龍機師有點失望啊！不過，Miss Chan Chan倒是有點樂觀....因為，每年在LLB考試中壯烈犧牲的人實在多不勝數，我們這樣從來沒有"肥佬"，算是很利害啊，對嗎？
明年，恐龍機師希望可以盡最後努力爭取好一點的分數，所以他昨天便到了HKU報讀了預備課程，希望最後一年的考試可以'好好睇睇"....
大家給他一點支持吧~
恐龍機師問Miss Chan Chan，下學年還會再唸書嗎？
Miss Chan Chan說﹕我不要再唸書....我要嘆世界.....嘻~
明天開學了，Miss Chan Chan祝各位老師blog友開工大學，學生blog友學業進步！
今年暑假過得特別快... 334壓力..好大=(
回覆刪除[版主回覆08/31/2010 22:16:00]慢慢邊學邊跟，一定會ok的...我也是第一年教334的F.4....一起努力吧~
送大家多一句說話 "少年唔讀law, 老年好勘呵." 不妨向各學生哥分享下我自己經歷. 老實說, 我會考成績好差, 真係估唔你唔到的差. 但係而家雖講不上有咩事業, 但總算對個社會有貢獻. 所以公開考試的失敗並不代表一切, 但我想講的就係, 唔代表可以放鬆,因為放鬆的話,你之後要行的路,比之前會辛苦好多. 不能用數字形容. 所以有機會的話, 應該努力,努力, 因為到我地lee d年紀, 再要拎返起本書, 需要好有勇氣. 既然冇人預知未來, 趁機努力讀到書. 千萬唔到"書到用時方恨少" sorry ar, miss Chan Chan,o係你個blog 賣自己廣告
回覆刪除[版主回覆08/31/2010 22:19:00]你沒有賣廣告啊....很好的分享呢！
如果大家也有自己的經歷，真的歡迎分享....
對的，我也常說，一生人有一定的"享樂Quota"。你可以選擇在讀書時期玩玩hea hea，你的享樂Quota早就在年青時耗盡，到長大後便要辛苦工作或是只能賺很少的錢；反之，年輕時盡了力，長大後有一份較好的工作，生活也相對較舒適，享樂Quota可以慢慢用...所以，你有你的選擇，視乎你想先苦後甜還是先甜後苦....
唉看完後好感概....我正是"細時不讀書"的活生生例子......
回覆刪除[版主回覆09/01/2010 20:09:00]可能你的一句要改成...
細時唔讀書，大個嫁運輸....嘻~
不打緊啊，現在開開心心，生活愉快便很好啊~
我都係會考麻麻
回覆刪除係好幸運出到黎讀書,兜左一大個圈都可以讀到自己鐘意ge野
或者我會睇做自己係人生唔同階段追求唔同ge野la...果陣可能想要同中學死黨有個好回憶,所以掛住玩
而家讀大學就會想打好事業基礎,不斷去搵野去整靚resume
話唔定過幾年有左事業基礎,我ge目標係想建立個家庭
我覺得做左個決定就唔好後恢
我揀得而家呢科讀都預左將來要不斷讀書,不斷考試生活架喇haha
不過...LLB真係寫文寫到癲= =
[版主回覆09/01/2010 20:12:00]很贊同你說的...做了決定就不要待悔....
佢係唔係報speed的revision class? 唔知我係唔係認錯人呢....我都離開左榨乾兩年啦...
回覆刪除[版主回覆09/01/2010 20:12:00]對，是SPEED的....
你們有相遇嗎？
其實讀完law唔係要出黎搵師父先入到行咩? 恐龍機師讀完就辭工呀?
回覆刪除[版主回覆09/01/2010 20:13:00]辭工？不會啦....
唸完才算吧~
哈哈，，我都是第一年教334的F.4，，今年我跟着自己班升上了中四，好開心啊，希望可以從F.1帶他們到F.6畢業。 Miss Chan Chan，，開工大吉～～
回覆刪除[版主回覆09/02/2010 16:45:00]大吉啊~
我跟你有點像...今年我當班主任的一班，也是當年我當他們F.1&F.2班主任的一班。去年其實我也可以跟上F.3，只是我想逃避TSA而放手給別人。今年再當他們的F.4班主任，我也很希望可以帶著他們直至F.6....我很喜歡他們，他們也很喜歡我，大家很有默契。他們知道我的脾性，今天要收多樣通告，全部交齊，開心死我~~~
大家一起加油啊~
其實我是第一屆334學生.. 對於數學....我真的完全放棄了.. 好難好難
回覆刪除[版主回覆09/02/2010 16:45:00]數學....對於Miss Chan Chan來說，是外星文...
你要努力擊敗數學啊~
嗯, 我上課的時候覺得這人很面熟，但又想不起那裡見過....這麼說來，他是xxe lxx吧?(其實我連名都唔係記得好清楚 )
回覆刪除[版主回覆09/02/2010 23:31:00]嘻~曾經是同學仔啊~
係榨乾工作而還有時間讀書的人真的很令人佩服
回覆刪除[版主回覆09/02/2010 23:31:00]大家也加油吧~
同意中學成績不代表一切，因為好多時中學時代都未搵到自己目標。
回覆刪除恐龍機師真係超級犀利，兩次無報preparation course都合格，我亦都係曾經LLB考試中壯烈犧牲之一，之後都放棄了。加油呀！恐龍機師！
[版主回覆09/03/2010 23:40:00]大家都加油啊~
我也覺得他很利害...自問自律性太低，要自修一個課程基本上是mission impossible~