學生男友

今時今日的老師，如果仍無時無刻以高高在上的位置自居，下場大多與學生發生各種各樣的衝突，釀成一宗又一宗的課室管理問題。最近，Miss Chan Chan來一下課管新招，將學生當是男女朋友般看待。

正常班別當然以一般師生關係相處。但有個別班別男生特別多，加上是頑劣的一群，每每用責罵的方式管教是絕對不行。他們在家裏跟家人關係大多不好，習慣了被媽媽"黑白天哦"....所以，很多時這些男生對女老師是很反感的。

今年，我有一班確實出現這種情況。去年曾任教他們的同事都說他們多多事幹，上課嘈吵，亂說話等等情況經常發生。今年到我接手，雖則說是初中同學，但人人都"牛高馬大，力大無窮"，若要跟他們打起上來，Miss Chan Chan該是可以被他們一手拿起再拋來拋去的。

於是，Miss Chan Chan決定當這班小子的女友.....不說不知，青春期的男生，他們對女孩子有很強烈的保護感，可能是男性賀爾蒙開始發作，他們要表現自己是可以保護女生的男生。到底，Miss Chan Chan怎麼跟這班小子相處呢？話說班裏有兩隻大牛龜同學經常遲到，常常錯過了早上的英文課，或是上課時經常睡覺。今天，他們又遲到....Miss Chan Chan 見到他們，又錯過了我教的東西，影響進度。我有點氣忿..很想罵他們。但我又知道這兩隻大牛龜越罵越反抗....於是，Miss Chan Chan 見他們的時候決定0都起咀.....以一個似跟男朋友發脾氣的語氣跟他們訓話....

大牛龜同學﹕又做咩呀？

Miss Chan Chan﹕大牛龜同學，你一定好唔鐘意我....

大牛龜同學﹕咩呀....

Miss Chan Chan﹕我估你一定好憎我....如果唔係，你唔會咁唔想上我英文堂....

大牛龜同學﹕唔係呀，好眼訓之嘛....

Miss Chan Chan﹕你一定覺得訓覺重要過我啦？你話丫....係咪？

大牛龜同學﹕邊度有呀....夜晚玩得夜夜訓丫嘛....第二朝起唔到身姐.....

Miss Chan Chan﹕我唔理呀，你為左玩都唔肯上堂，一定覺得我唔重要....

大牛龜同學﹕唔係呀，我好掛住你架Miss....我都好想爭扎起身....但個身唔比我郁....

Miss Chan Chan﹕咁點先，你口口聲聲話掛住我，但又唔肯準時上堂....咁你講晒啦...

大牛龜同學﹕得喇得喇.....今晚早d訓羅....

Miss Chan Chan﹕你話架，仲有上緊堂0個陣唔准訓架....

大牛龜同學﹕好難頂架喎.....

Miss Chan Chan﹕咁你即係都係唔鐘意我啦....

大牛龜同學﹕得得得...唔訓唔訓...無唔鐘意.....盡力而為.....

Miss Chan Chan﹕男人講野要算數...

大牛龜同學﹕得喇...你仲煩過d女人....

Miss Chan Chan﹕Miss Chan唔係女人唔通係男人......

大牛龜同學﹕係喇係喇.....

我想，若果你是大牛龜同學，遇著一位開口便罵...你做咩上堂訓覺？起身呀....訓夠未呀？唔係我罰你，記你缺點丫拿......你會反抗嗎？(老實說，我最討厭記學生缺點....)

如是者，給我一輪轟炸後，這幾天他的上課情況都不錯，也有用心上課，我也給他天上有地下無的讚賞。不過，後來在隔一天，大牛龜同學在另一科又出事了.....又是老師說他上課睡覺，不停在罵他....大牛龜同學初時還忍耐著，但老師不停地罵不停地罵，最後大牛龜同學忍無可忍"爆粗"罵老師......後來事件越鬧越疆.......還要勞煩訓導同事善後。

女同學嘛，我們就要用好朋友或姐姐的心態去跟她們溝通。都是一句老話，不論男生也好，女生也好，他們全都希望有人關心自己。好言好語的溝通，總比惡言相向來得有用。學生有時要罵，但要罵得有理；但若能以另一種方法代替責罵，效果一樣，這不是更好嗎？女老師在面對男同學方面有丁點優勢，始終男生容忍女生的能耐會比女生高.....以上僅是Miss Chan Chan的個人小分享.....

我真的很喜歡我的學生，不論是頑皮或是聰明伶俐.....